Tabiat va zamonaviylik uyg'unligi

Foto: Sirojiddin Vohidov / “Xalq so‘zi”

Bo‘stonliq tumanidagi Chimyon tog'lari... Bu so'zni eshitganimizda ko'z oldimizda salobatli cho'qqilar va toza havo gavdalanadi. Ammo Bo‘stonliq nafaqat go'zal tabiat, balki zamonaviy dam olish imkoniyatlarini ham taqdim etadi. Chorvoqda tog'lar bag'rida konteynerlardan qurilgan o'zgacha dam olish maskanlari paydo bo'lgan.

Bu konteynerlar shunchaki yashash uchun boshpana emas, ular tabiat bilan uyg'unlashgan, zamonaviy dizaynga ega qulay joylardir. Tog' havosi va go'zal manzaradan bahramand bo'lish uchun ayni muddao. Ular ichkarisida barcha sharoitlar yaratilgan, shuningdek, tashqarisida dam olish uchun joylar ham mavjud.

Chimyonning go'zalligini to'liq his qilish uchun esa otda sayr qilish eng yaxshi variantlardan biri. Otlar ustida bemalol yurib, tabiatning asl holatini ko'rishingiz va undan zavqlanishingiz mumkin. Odamlar tog' havosi va manzaralaridan bahra olib, kunlik tashvishlardan uzoqlashishmoqda.