Oliy Majlis Qonunchilik palatasining navbatdagi yalpi majlisida deputatlar bir qator qonun loyihalari koʻrib chiqilmoqda.

Xususan, shulardan dastlabkisi “Soliq maslahati toʻgʻrisida”gi qonun loyihasi boʻldi.

Taklif etilayotgan loyihaning maqsadi – soliq maslahati sohasida oʻzini oʻzi boshqarishning asosiy qoidalarini belgilovchi hamda samarali faoliyat koʻrsatadigan soliq maslahatchilari institutini shakllantirish, soliq maslahati sohasidagi munosabatlarni tartibga solish, soliq toʻlovchilarga malakali soliq maslahati xizmatlari koʻrsatilishini taʼminlashdan iborat.

Qonun loyihasi bilan soliq maslahatchilariga soliq tekshiruvi oʻtkazilganda, mijoz (ishonch bildiruvchi) nomidan asoslantirish sifatida soliq maslahati boʻyicha xulosani mustaqil ravishda taqdim qilish va boshqa shu kabi huquqlar berilmoqda. Qonun loyihasining qabul qilinishi bilan samarali faoliyat koʻrsatadigan soliq maslahatchilari instituti shakllantiriladi.

Mazkur hujjatda soliq maslahatchisi assistenti tushunchasi kiritilmoqda. Shuningdek, soliq maslahati xizmati muayyan bilimni talab qiladigan xizmatlar turiga kirganligi inobatga olib “professional xizmatlar” deb foydalanmoqda va ularning roʻyxati kengaytirilmoqda.