Shavkat Mirziyoyev Vladimir Putin bilan telefon orqali muloqot qildi
Foto: Prezident matbuot xizmati
15-avgust kuni Oʻzbekiston Respublikasi Prezidenti Shavkat Mirziyoyevning Rossiya Federatsiyasi Prezidenti Vladimir Putin bilan telefon orqali muloqoti boʻlib oʻtdi.
Oʻzbekiston bilan Rossiya oʻrtasidagi koʻp qirrali hamkorlikni yanada kengaytirish, keng qamrovli strategik sheriklik va ittifoqchilik munosabatlarini chuqurlashtirish masalalari koʻrib chiqildi.
Oʻzbekiston va Rossiya Prezidentlari joriy yilning 26-28-may kunlari Rossiya Federatsiyasi Prezidentining Oʻzbekiston Respublikasiga davlat tashrifi davomida erishilgan kelishuvlar ijrosining borishini muhokama qildilar.
Tovar ayirboshlash hajmini oshirish, ikki mamlakat yetakchi korxonalari va hududlari oʻrtasidagi kooperatsiya aloqalarini rivojlantirish, qoʻshma investitsiya loyihalari va gumanitar dasturlarni amalga oshirish boʻyicha muvofiqlashtirilgan choralar koʻrish masalalariga alohida eʼtibor qaratildi.
Suhbat chogʻida boʻlajak ikki va koʻp tomonlama tadbirlar rejasi ham koʻrib chiqildi.
Tavsiya etamiz
Ko‘p o‘qilganlar
- Alisher Navoiy – ilm va maʼno ehtiyoji manbai
- Investorlar uchun eng jozibador hudud yoxud investitsiya oqimidagi keskin tafovutning sabab va oqibatlari
- Ilm-fan sohasida xotin-qizlarga yaratilgan imkoniyatlarga bagʻishlangan anjuman
- Oʻzbekistonda inson aʼzolarini 3D bioprinterda chop etish imkoniyati yaratilmoqda
- Bedilni xalqqa tanitgan xattot
- Milliy naqshlarda oʻzligimiz namoyon
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring