Oʻzbekiston Respublikasi Oliy Majlisi Qonunchilik palatasi va Senatining Oʻzbekiston Respublikasi saylangan Prezidentining lavozimiga kirishishiga bagʻishlangan qoʻshma majlisida davlatimiz rahbari Shavkat Mirziyoyev nutq soʻzladi.

Taʼkidlanganidek, byudjet va tashqi qarz barqarorligini taʼminlash, mahalliy byudjetlarning imkoniyatlarini kengaytirishga birinchi darajali eʼtibor qaratiladi.

«Tadbirkorlik faoliyatini yanada qoʻllab-quvvatlash, soliq yukini kamaytirish, hammaga teng boʻlgan biznes muhitini va zarur infratuzilma yaratish boʻyicha boshlagan islohotlarimizni qatʼiy davom ettiramiz. 

Davlat korxonalarini transformatsiya qilish va xususiylashtirish jarayonlarini tezlashtirish iqtisodiyotni isloh etishning ustuvor vazifalaridan biri boʻlib qoladi. 

Erkin raqobatga asoslangan bozorni yaratish hisobidan, aholi va tadbirkorlar energiya resurslari bilan kafolatli taʼminlanadi.

Aholi bandligini taʼminlash, yoshlar va ishsiz fuqarolarni davlat hisobidan malakali kasb-hunarga oʻqitish, oilaviy tadbirkorlikni rivojlantirish, ehtiyojmand aholini manzilli qoʻllab-quvvatlash orqali, 2026-yilgacha kambagʻallikni 2 barobarga qisqartirish koʻzda tutilmoqda», — dedi Prezident.

Rahim SHERQULOV, “Xalq soʻzi”.