Samarqandda haydovchisi uxlab qolgan “Cobalt” avtobusga urildi
Foto: Samarqand YHXB
Samarqand shahrida “Cobalt” va yoʻlovchi avtobusi ishtirokida yoʻl-transport hodisasi sodir boʻldi. Bu haqda viloyat Yoʻl harakati xavfsizligi boshqarmasi xabar berdi.
Qayd etilishicha, voqea bugun, 2-noyabr kuni soat 06:10 larda Samarqand shahri Afrosiyob mahallasi hududidan oʻtgan Shohizinda koʻchasida sodir boʻlgan.
“Cobalt” rusumli avtomobil haydovchisi Shohizinda koʻchasi boʻylab harakatlanib kelayotgan vaqtida uxlab qolib, rul boshqaruvini yoʻqotgan. Oqibatda yoʻlning chap tomonidagi temir toʻsiqni buzib oʻtib, yoʻlning qarama-qarshi tomoniga chiqib ketib, oʻz yoʻlida harakatlanib kelayotgan “Asiastar” rusumli avtobus bilan toʻqnashgan.
Hodisa tufayli yengil avtomobil haydovchisi tan jarohati olib, shifoxonaga yotqizilgan, avtobus ichida yoʻlovchilar boʻlmagan. Transport vositalariga shikast yetgan.
Hozirda mazkur holat yuzasidan Samarqand shahri boʻyicha IIO FMB TB tomonidan dastlabki surishtiruv ishlari olib borilmoqda.
Tavsiya etamiz
Ko‘p o‘qilganlar
- G20 sammitining Janubiy Afrikada oʻtkazilishi sharmandali holat – Tramp
- AQSH va Britaniya Suriya muvaqqat prezidenti Axmad ash-Sharʼani “qora roʻyxat”dan chiqardi
- Oʻzbekiston U-17 terma jamoasi Jahon chempionatidagi ikkinchi oʻyinida magʻlub boʻldi
- Oʻzbekiston milliy terma jamoasining xalqaro musobaqa uchun qaydnomasi eʼlon qilindi
- Turkiya sudi Netanyahuni Gʻazoda genotsid sodir etganlikda ayblab, hibsga olish orderini maʼqulladi
- Rossiya NATOga hujum qilish uchun shay holatda — Bundesver generali
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring