Rossiyada oʻzbekistonlik erkak 7-qavatdan qulagan bolani qutqardi
Videodan kadr
Rossiyaning Sankt-Peterburg shahridagi koʻp qavatli uy derazasidan qulagan bolani oʻzbekistonlik migrant qutqarib qoldi. Bu haqda “ExpressAsia” xabar bermoqda.
Maʼlumotlarga koʻra, Sankt-Peterburg shahri Petrozavodskaya koʻchasida yetti yoshli bola yettinchi qavat deraza toʻsigʻiga osilib qolgan. Shu paytda uni bino ostida ishlayotgan Xayrullo ismli oʻzbekistonlik migrant payqab qolgan.
U bolaga baqirib, uni toʻxtatishga uringan, vaziyat jiddiylashganini anglagach esa oyna ostiga yaqinlashgan. Bola kuchsizlanib, boshi bilan pastga qulagan paytda, Xayrullo uni havoda ilib olishga ulgurgan, bagʻriga bosib, zarbani yumshatgan. Shundan soʻng u bolani podyezdga olib kirib, tez yordam kelguniga qadar uni hushiga keltirishga harakat qilgan.
Bola tirik qolgan va hozirda reanimatsiya boʻlimida davolanmoqda, uning ahvoli barqaror deb baholangan. Oʻzbekistonlik fuqaro yengil jarohatlar olgan, unda jiddiy shikastlanish qayd etilmagan. Maʼlum boʻlishicha, 36 yoshli qutqaruvchi Peterburgda uylarga xizmat koʻrsatuvchi pudrat tashkilotida ishlaydi.
Tavsiya etamiz
Ko‘p o‘qilganlar
- Abduqodir Husanov yana bir bor “Real Madrid”ga qarshi oʻynaydi
- Bolalar saratoniga qarshi kurash: xalqaro hamkorlikdagi muhim qadam
- Superliganing 2026-yilgi mavsumi boshlanmoqda
- Har burchagida tarix yashiringan shahar — Londondan fotoreportaj
- 1-mart — Zulfiya tavallud topgan kun. “Bugun tunda kelarmish bahor”
- Dzyudo boʻyicha Toshkent “Katta dubulgʻa” musobaqasi boshlandi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring