Foto: АКИпресс

Avvalroq Qirgʻiziston prezidenti Sadir Japarov boʻlajak kuyovi jiyani Lazzat Nurgojevaning qoʻlini soʻrash uchun dabdabali “Marry mye” tashkil etgani sabab xalqidan uzr soʻrashga majbur boʻlgan edi.

Mahalliy nashrlardan biri, “24.kg”нинг xabar berishicha, Qirgʻiziston huquq-tartibot idoralari xodimlari Sadir Japarovning kuyovi Aftandil Sabirbekovni giyohvand moddalarni sotishda gumon qilib qoʻlga olgan.

Manbaga koʻra, yaqinda Qirgʻiziston FVVdan vertolyot ijaraga olib, prezident jiyani Lazzat Nurgojevaga turmush qurishni taklif qilgan va ayni paytda uning eri hisoblangan hibsdagi Aftandil Sabirbekov bilan surishtiruv harakatlari davom etmoqda.

Japarovning matbuot kotibi Askat Alagozov holatga izoh berib, prezident oilasiga yaqinlashuvdan maqsad oʻzining noqonuniy ishlari uchun muhofaza yaratish boʻlgani aytilgan.

“Prezident Sadir Japarov jiyanining qalligʻi huquq-tartibot idoralari tomonidan qoʻlga olinganini tasdiqlaymiz. Bu yigitning asosiy maqsadi oʻzining noqonuniy faoliyatini himoya qilish uchun hokimiyatdagi odamlarga yaqinlashish boʻlgan, deyishga toʻliq asoslar bor”, deyiladi prezident idorasi xabarida.

Alagozovning qoʻshimcha qilishicha, Sadir Japarov kim boʻlishidan qatʼi nazar, noqonuniy xatti-harakatlarini yashirmaydi va bunday harakatlarga sherikchilik qilmaydi.

“Sobiq kuyov va uning sheriklarining noqonuniy xatti-harakatlari tafsilotlari tergov jarayonida oydinlashadi”, degan Askat Alagozov.