Qashqadaryoda qoʻylari koʻchatlarni shikastlagan fuqaro 17 mln soʻm jarimaga tortildi
Qashqadaryo viloyatida “Yashil makon” umummilliy loyihasi doirasida ekilgan daraxt koʻchatlari orasiga qoʻylarni haydagan fuqaro jarimaga tortildi. Bu haqda Ekologiya, atrof-muhitni muhofaza qilish va iqlim oʻzgarishi vazirligi xabar berdi.
Maʼlum qilishicha, viloyat Ekologiya, atrof-muhitni muhofaza qilish va iqlim oʻzgarishi boshqarmasi Qarshi tuman boʻlimi xodimlari tomonidan turli hududlarda reyd tadbiri oʻtkazilgan. Tadbir davomida Qarshi tumani “Mangʻit” MFY hududida fuqaro O. B. tomonidan 50 bosh mayda shoxli mollarni “Yashil makon” umummilliy loyihasi doirasida ekilgan daraxt koʻchatlari orasiga haydab, koʻchatlarga shikast yetkazgani aniqlangan.
Holat yuzasidan huquqbuzar fuqaroga nisbatan Maʼmuriy javobgarlik toʻgʻrisidagi kodeksning 79-moddasi (Oʻsimlik dunyosi obyektlarini yigʻish shartlarini buzish) 1-qismi bilan maʼmuriy bayonnoma rasmiylashtirilib, O. B. BHMning 50 baravari (17 mln soʻm) miqdorida jarimaga tortilgan.
Tavsiya etamiz
Ko‘p o‘qilganlar
- Alisher Navoiy – ilm va maʼno ehtiyoji manbai
- Investorlar uchun eng jozibador hudud yoxud investitsiya oqimidagi keskin tafovutning sabab va oqibatlari
- Ilm-fan sohasida xotin-qizlarga yaratilgan imkoniyatlarga bagʻishlangan anjuman
- Oʻzbekistonda inson aʼzolarini 3D bioprinterda chop etish imkoniyati yaratilmoqda
- Bedilni xalqqa tanitgan xattot
- Milliy naqshlarda oʻzligimiz namoyon
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring