Oʻzbekiston ISHIDga qarshi global koalitsiyaga qoʻshildi
Oʻzbekiston tashqi ishlar vaziri Baxtiyor Saidov Vashingtonda AQSH davlat kotibi Marko Rubio va prezidentning milliy xavfsizlik boʻyicha maslahatchisi Maykl Uolts bilan uchrashuv oʻtkazdi.
Rubio oʻzbekistonlik hamkasbiga AQSHdan deportatsiya qilingan fuqarolarni qaytarishga yordam bergani uchun minnatdorchilik bildirgan. Shuningdek, u davlatimizning ISHIDga qarshi kurash boʻyicha global koalitsiyaga toʻlaqonli aʼzo boʻlganini olqishladi.
“Siyosiy muloqotni mustahkamlash, iqtisodiy va sarmoyaviy hamkorlikni kengaytirish, mintaqaviy aloqalarni rivojlantirish, Markaziy Osiyoda xavfsizlik va barqarorlikni taʼminlash boʻyicha umumiy qarashlarimizni chuqurlashtirish kabi muhim yoʻnalishlar kun tartibimizdan oʻrin oldi”, — deb yozgan Saidov Rubio bilan uchrashuv haqida.
Bundan tashqari, Baxtiyor Saidov Vashingtonda AQSH prezidentining milliy xavfsizlik boʻyicha maslahatchisi Maykl Uolts bilan ham muloqot oʻtkazdi. Unda Oʻzbekiston va AQSH oʻrtasidagi strategik sheriklikni yanada chuqurlashtirishga boʻlgan sodiqlik tasdiqlangan.
Tavsiya etamiz
Ko‘p o‘qilganlar
- 21-oktyabr – Oʻzbek tili bayrami kuni
- Oʻz xalqini Siz kabi chin dildan sevadigan davlat rahbarini uchratmadim – “ACWA Power” kompaniyasi boshqaruvi raisi Muhammad Abunayyan
- Imtiyozli shartlarda pensiyaga chiqish huquqini beruvchi roʻyxatni tuzish tartibi belgilandi
- Oʻzbekiston tasviriy sanʼat galereyasida Samarqand maktabining yangi nafasi
- Ish bilan bogʻliq baxtsiz hodisalar va kasbga oid kasalliklar haqidagi maʼlumotlarning yaxlit tizimi yoʻqligi koʻrsatib oʻtildi
- Lamin Yamal “Barselona”ni tark etishi mumkin
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring