Foto: Illustrativ foto

Oʻzbekiston Iqtisodiy erkinlik indeksida toʻqqiz pogʻonani yoʻqotdi, bu oʻzgarishga yangi reyting metodologiyasi, koʻrsatkichlarning oʻzgarishi va ularni hisoblash taʼsir koʻrsatdi, deyiladi Heritage Foundation hisobotida.

Maʼlumotlarga koʻra, hisobot 2020-yil 1-iyuldan 2021-yil 30-iyungacha boʻlgan davrda oʻtkazilgan tadqiqotlarga asoslangan. Oʻzbekiston 55,7 ball toʻplagan holda 177 davlat orasida 117-oʻrinni egalladi va shu bilan mamlakatning reytingdagi ochkosi 2,6 pogʻonaga kamaydi. Hisobotda aytilishicha, respublika “asosan erkin iqtisodiyotga ega” mamlakat boʻlib qolmoqda.

Kuchli uchlikni Singapur egalladi — 84,4 ball; Shveysariya — 84,2 ball va Irlandiya — 82,0 ball. Reytingning eng soʻnggi oʻrinlarini Kuba egallagan — 29,5 ball; Venesuela — 24,8 ball va Shimoliy Koreya — 3,0 ball.

Shu bilan birga, Oʻzbekistonning reytingdagi oʻrni pasayishiga hisobot metodologiyasining oʻzgarishi sabab boʻldi. Xususan, koʻrsatkichlar va ularni hisoblash, shuningdek, foydalanilgan xalqaro maʼlumotlar manbalari endi boshqacha koʻrinishga ega. Bundan tashqari, koronavirus pandemiyasiga javoban iqtisodiy sharoitlarda sezilarli tebranishlarga olib keldi.