Illyustrativ foto

Fransuz olimlari qirq sakkizinchi qon guruhini aniqladilar. Bu haqda Buyuk Britaniyaning “Independent” nashri xabar bermoqda.

Fransiyaning Gvadelupa hududida yashovchi fuqaroning qonini tahlil qilganda, hatto uning tugʻishgan qarindoshlari ham u uchun donor boʻla olmasligi aniqlandi. Gap shundaki, ayolning qon plazmasi har bir potensial donor namunasini rad etdi. Hozircha bu bemorga oʻxshash qon guruhiga ega boʻlgan boshqa odam topilmadi.

Toʻrtta qon guruhi va rezus-faktor omiliga qoʻshimcha ravishda, inson qoni qizil qon hujayralarini qoplaydigan oqsillar va shakar miqdorining farqlari bilan belgilanadigan oʻnlab boshqa parametrlarga ega.

Barcha donorlik materiallarini rad etishining sababini aniqlash uchun olimlar ayolning DNKsini toʻliq oʻrganishdi va hujayra membranalarida muhim molekulaga maʼlum bir shakar qoʻshish uchun javob beradigan ferment ishlab chiqaradigan PIGZ genida mutatsiyani aniqladilar. Uning qonida shakarning yoʻqligi tufayli qizil qon tanachalari yuzasida molekula tuzilishi oʻzgargan va u qon yangi turiga ega boʻlgan.