Illyustrativ foto

Buyuk Britaniya Milliy Sogʻliqni saqlash xizmati shifokorlari ogʻizdan yoqimsiz hid SELENBP1 genidagi mutatsiyaning belgisi boʻlishi mumkinligini aniqladilar. Taʼkidlanishicha, bu saraton xavfi ortishi bilan bogʻliq boʻlishi mumkin.

Muayyan kasalliklarning rivojlanishi bilan birga keladigan yomon hid halitoz deb ataladi. Bu ogʻizda yoki butun tanada muammolarni koʻrsatishi mumkin boʻlgan alomatdir. Xususan, ogʻizdan yoqimsiz hid laringeal saratonning birinchi namoyoni boʻlishi mumkin. Halitozdan tashqari, kasallikning ogohlantiruvchi belgilariga quyidagilar kiradi: tomoqdagi shish hissi, ovozning xirillashi, tez-tez yoʻtal, nafas olish qiyinlashuvi, vazn yoʻqotish va surunkali charchoq.

Tajriba davomida mutaxassislar saratonning aniqroq belgisi aniqlandi. Olimlar halitoz bilan ogʻrigan bemorlarda nafas chiqarilgan havoda metantiol va dimetil sulfid (ogʻizdan yomon hid beruvchi oltingugurt birikmalari) miqdori koʻpayganligini aniqladilar. Maʼlum boʻlishicha, bu birikmalar oltingugurtning parchalanishi va oʻsimta oʻsishini bostirish uchun masʼul boʻlgan SELENBP1 genidagi mutatsiya bilan bogʻliq. Ushbu genning ishlashidagi buzilishlar saraton rivojlanish xavfini oshirishi mumkin.