Nazorat inspeksiyasi “Damas” va “labo” haydovchilarini ogohlikka chaqirdi
Nazorat inspeksiyasi “Damas” va “Labo” haydovchilarini avtotransport akkumulyatorlari xarid qilishda hushyor boʻlishga chaqirdi.
Maʼlum qilinishicha, Texnik jihatdan tartibga solish sohasidagi Nazorat inspeksiyasi Jizzax viloyati boʻlimi xodimlari tomonidan Jizzax shahridagi savdo nuqtalarida sotilayotgan “N7000” va “CERVO” savdo belgisi ostidagi avtotransport akkumulyatorlari yuzasidan nazorat xaridi oʻtkazilgan.
Unga koʻra, oʻtkazilgan tekshiruvlar natijasida mazkur mahsulotlarning sifati amaldagi standart talablariga javob bermasligi aniqlangan.
Taʼkidlanishicha, mazkur akkumulyatorlardan foydalanish natijasida notoʻgʻri ishlash, tez ishdan chiqish, ortiqcha xarajatlar, avtomobilni yurgizib boʻlmasligi kabi holatlar yuzaga kelishi mumkin.
“Isteʼmolchilar huquqlarini himoya qilish maqsadida tegishli choralar koʻrilmoqda. Agar savdo tarmogʻida sifatsiz yoki soxta mahsulotga duch kelsangiz, 1880 qisqa raqami orqali Texnik jihatdan tartibga solish inspeksiyasiga murojaat qilishingiz mumkin”, — deyiladi inspeksiya ogohlantirish xabarida.
Tavsiya etamiz
Ko‘p o‘qilganlar
- Alisher Navoiy – ilm va maʼno ehtiyoji manbai
- Investorlar uchun eng jozibador hudud yoxud investitsiya oqimidagi keskin tafovutning sabab va oqibatlari
- Ilm-fan sohasida xotin-qizlarga yaratilgan imkoniyatlarga bagʻishlangan anjuman
- Oʻzbekistonda inson aʼzolarini 3D bioprinterda chop etish imkoniyati yaratilmoqda
- Bedilni xalqqa tanitgan xattot
- Milliy naqshlarda oʻzligimiz namoyon
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring