Samaradorlik vazirligi yoki Davlat boshqaruvi samaradorligini oshirish vazirligini tashkil etilishi mumkin. Bu byudjet xarajatlarini optimallashtirish boʻyicha samarali chora sifatida koʻrilmoqda.

Rossiyada samaradorlik vazirligi yoki davlat boshqaruvi samaradorligini oshirish vazirligini tashkil etish taklif etildi. Bu haqda “Izvestiya” gazetasi “Avanti” ishbilarmonlik vatanparvarligini rivojlantirish boʻyicha tadbirkorlar assotsiatsiyasi rahbari Rahmon Yansukov Rossiya bosh vaziri Mixail Mushustinga yoʻllagan xatga asoslanib xabar berdi.

Xatda taʼkidlanishicha, Rossiya iqtisodiyoti Gʻarb sanksiyalari bilan bogʻliq muammolarga toʻqnashmoqda. Federal davlat dasturlari va koʻplab ijtimoiy majburiyatlar tufayli mamlakat byudjeti bosim ostida. Bundan tashqari, ayrim amaldorlar isrofgarchilikka yoʻl qoʻymoqda. Shu bois byudjet xarajatlari samaradorligi birinchi darajali ahamiyatga ega.

Tadbirkorlarning fikricha, byudjet xarajatlarini optimallashtirishning eng maʼqul choralaridan biri maxsus federal ijro etuvchi organ — samaradorlik vazirligi yoki davlat boshqaruvi samaradorligini oshirish vazirligini tashkil etishdir.

Yangi vazirlik davlat boshqaruv jarayonlarini soddalashtirish, qogʻozbozlikka qarshi kurashish, bir-birini takrorlovchi meʼyoriy-huquqiy hujjatlarni oʻrganib ularni qisqartirish, federal agentliklarni qayta tuzish va xarajatlarni kamaytirish kabi vazifalarni bajaradi.