Foto: AP

Angliyaning “Manchester Siti” klubi bosh murabbiyi Pep Gvardiola klublar oʻrtasidagi jahon chempionatida jamoasi sharafini himoya qiladigan futbolchilarning roʻyxatini tasdiqladi.

Unda avvalroq klubdan ketishini eʼlon qilgan Kevin De Bryuyne, “Milan”dan qaytgan Kayl Uoker va yarim himoyachi Jek Grelish kiritilmagan. Bu futbolchilarning oʻrniga tarkibda jamoaga yangi kelganlar — “Lion”dan koʻchib oʻtgan Rayan Sherki, avval “Milan” sharafini himoya qilgan Teyani Reynders va oʻtgan mavsum “Vulverxempton”da oʻynagan Rayan Ait-Nuri oʻrin oldi.

Jamoa sharafini musobaqada quyidagi futbolchilar himoya qiladi:

Klublar oʻrtasidagi jahon chempionatida dunyoning 32 ta kuchli klubi bosh sovrin uchun kurash olib boradi. “Manchester Siti” “G” guruhidan joy olgan va pley-offga chiqish uchun “Vidad AK” (Marokash), “Al-Ayn” (BAA) va “Yuventus” (Italiya) klublariga qarshi bahs olib boradi.

Ingliz klubi turnirning amaldagi gʻolibi hisoblanadi. Kuboklar soni boʻyicha rekordchi Ispaniyaning “Real Madrid” jamoasi peshqadam. Ispanlar ushbu musobaqada 5-marta gʻalaba qozongan.