Raqobat qoʻmitasi Rasul Kusherbayevning “Samarqand-Abu-Dabi” yoʻnalishida “Wizzair” aviakompaniyasi tomonidan koʻrsatilgan xizmatlardagi muammolar yuzasidan qoldirgan murojaatini koʻrib chiqdi.

Qo‘mitaning olib borgan oʻrganishlarida murojaatchiga uchish davrida aviakompaniyaning ekipaj aʼzolari tomonidan xorijiy tilda xavfsizlik qoidalari haqida maʼlumot berilgani, bu qoidalarni oʻzbek va rus tillarida tushuntirib berishlari soʻralganida xodim qoʻpol muomalada boʻlib, bortni tark etishni talab qilingani va shu tarzda fuqaro mazkur reysda Abu-Dabiga yetib borgani maʼlum boʻldi.

Transport vazirligiga oʻrganishlar yuzasidan soʻrov xati yuborildi. Natijada, oʻzboshimchalik bilan xatti-harakatlarni amalga oshirgan mazkur aviakompaniya xodimlariga nisbatan chora koʻrildi.

Yoʻl qoʻyilgan qonunbuzilishda yuzaga kelgan kamchilik va xatolarni bartaraf etish maqsadida ekipaj aʼzolariga parvozlar xavfsizligini taʼminlash, muomala madaniyati, har bir mamlakatning parvozga aloqador qonunlari va tartib-taomillari hamda aviayoʻlovchilarni hurmat qilish boʻyicha trening kurslari yoʻlga qoʻyildi.

Shuningdek, aviakompaniya 2025-yilda Oʻzbekistonga xizmat koʻrsatuvchi har bir havo kemasida bort kuzatuvchi va xizmat koʻrsatuvchi personallar oʻzbek tilida faoliyat yuritishini yoʻlga qoʻyilishi taʼminlandi.