Italiya politsiyasi Palermoda Sitsiliya mafiyasiga qarshi muhim operatsiya davomida deyarli 150 kishini hibsga oldi. Bu haqda “The Guardian” nashri xabar qildi.

Seshanba kuni “Koza Nostra”ning 183 aʼzosini qoʻlga olish toʻgʻrisida order berilgan, ulardan 36 nafari allaqachon hibsda edi.

Ommaviy axborot vositalarida aytilishicha, 1 200 dan ortiq ofitser safarbar qilingan ushbu reyd tadbiri mafiyaga qarshi 1984-yildan beri amalga oshirilgan eng katta operatsiya boʻldi.

Asosan giyohvandlik moddalari savdosidan pul topuvchi “Koza Nostra” Sitsiliyadagi guruhlar va Italiyaning qitʼa qismidagi “Ndrangeta” mafiyasi bilan hamkorlikda jinoiy ishlarini bajarib keladi. Ular yaqin oʻn yillik davomida katta tadbirkorlardan himoya uchun pul talab qilib, savdogarlarni mahsulotni yuqori narxda sotishga majburlab kelgan.

“Choʻqintirgan ota” filmlari uchun ilhom manbai boʻlgan ushbu mafiya endi hokimiyat tomonidan qatagʻonlarga duchor boʻldi. Italiya bosh vaziri Jorja Meloni ham reydga munosabat bildirib, “davlat uyushgan jinoyatchilikka qarshi kurashish ahdiga doim sodiqligi”ni taʼkidladi.