Germaniya kansleri Rossiyani NATO hududida provokatsiya uyushtirishda aybladi
Germaniya kansleri Fridrix Mers Rossiyani ehtiyotsizlik va tajovuzkor harakatlarda aybladi. Uning soʻzlariga koʻra, Polsha havo hududiga dronlarning kirib kelishi Boltiqboʻyi mintaqasi hamda NATOning Sharqiy qanotidagi davlatlarga qarshi qaratilgan provokatsiya hisoblanadi.
“Rossiya NATO va Yevropa Ittifoqiga aʼzo davlat aholisining hayotini xavf ostiga qoʻydi. Federal hukumat Rossiyaning bu tajovuzkor harakatlarini eng qatʼiy tarzda qoralaydi”, — dedi Mers.
Germaniya mudofaa vaziri Boris Pistorius ham voqeaga munosabat bildirdi. Uning taʼkidlashicha, Rossiya dronlari Polshaga tasodifan kirib qolmagan.
“Bu yerda xato haqida gap boʻlishi mumkin emas. Agar ular aslida Ukrainaga yoʻnaltirilgan boʻlganida, hech qachon Polshaga qarab uchmagan boʻlardi”, — dedi Pistorius.
Tavsiya etamiz
Ko‘p o‘qilganlar
- Super oy: Bugun Yerning tabiiy yoʻldoshi odatdagidan ancha katta koʻrinmoqda
- Aholi va qishloq xoʻjaligini roʻyxatga olishga tayyorgarlik koʻrish va uni oʻtkazish tartibi belgilandi
- Samarqandda YUNESKOning 43-sessiyasiga tayyorgarlik avjida
- Markaziy Osiyo pedagoglari Nukusda jam boʻldi
- Hududlarda 34 ta yuqori texnologiyali sanoat loyihalari amalga oshiriladi
- Endilikda muddati oʻtgan tovarlarning sotilishi avtomatik ravishda cheklanadi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring