Yevropa ligasi oʻyini oldidan mojaro
Angliyaning “Aston Villa” klubi oʻz stadioniga isroillik muxlislarni kiritmaydi. Bu haqda “Reuters” nashri xabar berdi.
Manbaning maʼlum qilishicha, 6-noyabr kuni Yevropa ligasi musobaqasi doirasida boʻlib oʻtadigan Angliyaning “Aston Villa” va Isroilning “Makkabi Tel-Aviv” jamoalari oʻyini uchun mezbonlar isroillik muxlislarni stadionga kiritmaslikka qaror qilgan.
“Aston Villa” klubi rasmiylari ayni paytda Yevropada Isroilni tanqid qilish kayfiyati yuqori darajaga koʻtarilganini va bu oʻz navbatida isroillik fuqarolar bilan turli janjallar kelib chiqishining oldini olish maqsadida bunday qarorga kelinganini maʼlum qilganlar.
Tabiiyki, bu qaror isroillik muxlislarning eʼtirozlariga sabab boʻlmoqda. Isroil nashrlari esa mazkur holatni antisemitizm deb baholagan.
Vaziyatga munosabat bildirgan Buyuk Britaniya Bosh vaziri Kir Starmer esa bu qarorni qoraladi.
“Bu notoʻgʻri qaror. Biz Britaniyada umuman antisemitizmga yoʻl qoʻymaymiz”, — deya taʼkidlagan Starmer oʻzining “X” (sobiq Twitter)dagi sahifasida.
Tavsiya etamiz
Ko‘p o‘qilganlar
- Saudiya Arabistonida “Oʻzbekiston madaniyati kunlari” davom etmoqda
- Super oy: Bugun Yerning tabiiy yoʻldoshi odatdagidan ancha katta koʻrinmoqda
- Aholi va qishloq xoʻjaligini roʻyxatga olishga tayyorgarlik koʻrish va uni oʻtkazish tartibi belgilandi
- Samarqandda YUNESKOning 43-sessiyasiga tayyorgarlik avjida
- Markaziy Osiyo pedagoglari Nukusda jam boʻldi
- Hududlarda 34 ta yuqori texnologiyali sanoat loyihalari amalga oshiriladi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring