Foto: Muhsin Umurzoqov / “Xalq soʻzi”

“Oʻzgidromet” 7-8-fevral, dam olish kunlari kuzatiladigan ob-havo prognozini eʼlon qildi.

Unga koʻra, ertaga, 7-fevral kuni respublika hududi boʻyicha yogʻingarchilik kutilmaydi, faqat Fargʻona vodiysi hududlarida yogʻingarchilik (yomgʻir, qor) boʻlishi mumkin. Havo harorati kechasi 2 daraja sovuq-3 daraja iliqni tashkil etadi, kunduzi 7-12 iliqqacha koʻtariladi.

Yakshanba kuni asosan yogʻingarchiliksiz ob-havo boʻlishi kutilmoqda. Havo harorati kechasi 0-5 daraja iliqni, kunduzi 10-15 daraja iliqni tashkil etadi. Baʼzi joylarga tuman tushishi mumkin. Shamol 7-12 metr/sekund tezlikda esadi, 6 va 8-fevral kunlari ayrim joylarda 13-18 metr/sekundgacha kuchayishi mumkin.

Togʻli hududlarda vaqti-vaqti bilan yogʻingarchilik (yomgʻir, qor) boʻladi. Qor koʻchishi xavfi bor.

Toshkent shahrida dam olish kunlari yogʻingarchilik kutilmaydi, ertaga kechasi va ertalab tuman tushishi mumkin. Shamol sharqdan 3-8 metr/sekund tezlikda esadi. Harorat ertaga kechasi 1 daraja sovuq-1 daraja iliq, kunduzi 9-11 daraja iliq, yakshanba kuni kechasi 1-3 daraja iliq, kunduzi 13-15 daraja iliq boʻladi.