Buxoro, Navoiy va Fargʻonada “valyutchik”lar ushlandi
Buxoro, Navoiy va Fargʻona viloyatlarida valyuta qimmatliklari savdosi bilan shugʻullangan shaxslar ushlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.
Qayd etilishicha, Departamentning Buxoro shahri boʻlimi va IIB xodimlari hamkorligida oʻtkazilgan tezkor tadbirda fuqaro B.X. fuqaro M.R.dan 350 ming rublni 54,2 million soʻmga sotib olgan vaqtida ashyoviy dalillar bilan ushlangan.
Bundan tashqari Konimex tumanida oʻtkazilgan tezkor tadbirda fuqarolar E.R. va A.T. fuqaro G.M.ga 4 ming dollarni 52 million soʻmga sotgan vaqtida ashyoviy dalillar bilan ushlanganlar.
Margʻilon shahridagi shu kabi tadbirda esa fuqarolar U.X. va O.T. fuqaro S.U.ga 3,5 ming dollarni 44,2 million soʻmga sotgan vaqtida ashyoviy dalillar bilan ushlangan.
Taʼkidlanishicha, mazkur holatlar yuzasidan hozirda Jinoyat kodeksining 177-moddasi (valyuta qimmatliklarini qonunga xilof ravishda olish yoki oʻtkazish) bilan jinoyat ishlari qoʻzgʻatilib, tergov harakatlari oʻtkazilmoqda.
Tavsiya etamiz
Ko‘p o‘qilganlar
- Komiljonov Muxammadsolih Sobirjon oʻgʻlining “Salomatlik landshaftlarini tashkil etish tamoyillarini ishlab chiqish” mavzusidagi (arxitektura fanlari boʻyicha) falsafa doktori (PhD) dissertatsiyasining himoyasi eʼloni
- Ukrainada jurnalistlarni olib ketayotgan avtomobil dronlar hujumiga uchradi
- Rossiya yangi urushga tayyorgarlik koʻrmoqda — Germaniya mudofaa vaziri
- Tehronda vaziyat jiddiy: poytaxt aholisi evakuatsiya qilinishi mumkin
- «Yevroosiyo Banki» Aksiyadorlik jamiyatining tugatish komissiyasi xabari
- Namangan – yangilanish va goʻzallik shahri
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring