Fargʻonada 3,7 tonna AI-80 markali avtobenzin AYQSH orqali emas, ulgurji sotib yuborilgan.

“Oʻzenergoinspeksiya” tomonidan soʻnggi ikki kunda 50dan ziyod yoqilgʻi “zapravka”larida nazorat ishlari amalga oshirildi.

Nazorat tadbirlari doirasida neft bazalaridan maxsus tashuvchi transportlar orqali benzin yetkazib berilishi oʻrganildi. Inspeksiya oʻrganishlar davom etishini bildirgan.

Inspeksiyaning Fargʻona viloyat hududiy boshqarmasi va viloyat prokuraturasi bilan oʻtkazgan nazorat tadbirlari natijasida, Fargʻona tumanida joylashgan “V.H.O.“MCHJga qarashli yoqilgʻi quyish shoxobchasiga taʼminotchi omboridan olib kelingan 3,7 tonna AI-80 benzini AYQSH orqali sotilmasdan, ulgurji sotib yuborilganligi aniqlandi.

Mazkur holat yuzasidan qoidabuzarlikka yoʻl qoʻygan mazkur AYQSHlarning birja savdolarida ishtirok etishi vaqtincha toʻxtatildi.

9-dekabr kuni vazirlik metan “zapravka”lar (AGTKSHlar) faoliyatiga vaqtinchalik qisqa muddatli cheklov kiritilishini maʼlum qildi. Havo haroratining keskin pasayishi bilan gaz isteʼmoli keskin oshdi va quvurlardagi bosim pasaydi.