Франция пойтахтида ўтказилаётган ёзги Олимпиада ўйинларида ўзбек спортчилари ўз юришларини давом эттирмоқда.

Эркин кураш бўйича Ўзбекистон терма жамоаси аъзоси Жабраил Шапиев ва Ғуломжон Абдуллаев «Париж-2024» ёзги Олимпиада ўйинларидаги иштирокини бошлаб олди.

Жабраил Шапиев эркин курашдаги биринчи спортчимиз ҳисобланади. Мамлакатимиз шарафини ҳимоя қилаётган Жабриал биринчи чиқишини грузиялик Владимир Гамкрелидзега қарши кечди. -86 кг вазн тоифасида қатнашаётган спортчимиз

Спортчимиз қийин кечган баҳсда 5:1 ҳисобида рақибини мағлуб этди ва кейинги босқичга йўл олди. Унда юртдошимизга болгариялик Магомед Рамазанов рақиблик қилади.

-57 кг вазн тоифасида қатнашаётган Ғуломжон Абдуллаев эса Озорбайжонлик Алиаббас Рзаздега 11:4 ҳисобида мағлубиятга учратиб, чорак финалга чиқди.

Маълумот учун айтиш мумкинки, Жабраил (Жавраил) Нурмагомедович Шапиев 1997 йил 20 апрельда Доғистонда туғилган. «Токио-2020» Олимпиадасида Ўзбекистон терма жамоаси аъзоси сифатида иштирок этган. Ғуломжон Озодович Абдуллаев эса 1998 йил 11 ноябр Хоразмда таваллуд топган.