Жорий йил 18 октябрь куни Uztextilexpo-2023 Куз VII Халқаро тўқимачилик ва мода кўргазмасининг расмий очилиши бўлиб ўтади.

АОКАда “Ўзтўқимачиликсаноати” уюшмаси раҳбарияти ва соҳа ташкилотлари иштирокида бўлиб ўтган матбуот анжуманида “Tashkent Textile Week“ халқаро тўқимачилик ҳафталиги ва ”UztextileExpo Autmn 2023» халқаро кўргазмаси тўғрисида маълумот берилди.

Халқаро кўргазмада Хитой, Ҳиндистон, Беларус, Қозоғистон, Қирғизистон, Туркманистон ва Тожикистон давлатларидан 180 компания ва бренд иштироки кутилмоқда.

Кўргазманинг мантиқий давомими бу баерлар дастури бўлиб, унда 100 дан ортиқ компания ўз иштирокини тасдиқлади.

Шу билан биргаликда, “Ўзтўқимачиликсаноат” уюшмаси ва USAIDнинг бизнесни ривожлантириш дастури билан ҳамкорликда тўқимачилик саноати учун “Брендинг мактаби” илк тренинглари бўлиб ўтади.

Шунингдек, ҳафталик доирасида Халқаро молия корпорацияси каби ташкилотлар вакиллари, Бандлик ва камбағалликни қисқартириш вазирлиги, “Ўзтўқимачиликсаноат” уюшмаси ва Ўзбекистон Иш берувчилар конфедерацияси, Ўзбекистон касаба уюшмалари федерацияси раҳбарияти ва тўқимачилик саноати корхоналари иштирокида Better Work Uzbekistan дастури семинарлари ҳам ўтказилади.