Италиянинг машҳур «Ferrari» компанияси ўзининг биринчи электромобили 500 минг евродан қимматроққа баҳоланади. Бу ҳақда «Reuters» ахборот агентлиги манбаси хабар берган.

Ҳашаматли автомобиль ишлаб чиқарувчи компания ўта бой мижозларни кўпроқ жалб қилишни мақсад қилган электромобилини кейинги йил охирида тақдим этишни режалаштирмоқда. Унинг нархи «Ferrari»нинг ўртача сотув нархидан сезиларли даражада, деярли 150 минг ервога баландроқ бўлади.

Нархнинг 15-20 фоизга қимматлашиши компанияни мижозларни йўқотиш хавфи билан чўчита олмаяпти. Компания менежерларига кўра, юқори нархга қарамай, «Ferrari» ҳашаматли электромобиллар бозорида кучли «ўйинчи» бўла олади.

Таққослаш учун айтиш мумкинки, «Porsche» каби бошқа ҳашаматли брендлар электромобилларини анча паст нархларда («Taycan» учун 100 минг евро) баҳолашади.

Италия авто гиганти электромобилларининг нархи ёки Италиянинг Маранелло шаҳрида тез орада очилиши кутилаётган янги завод ҳақида ҳам ҳеч қандай изоҳ бермади. Агарда завод ишга тушса, «Ferrari»нинг ишлаб чиқариш қувватини ўтган йили 14 мингдан 20 мингтагача ошади.

Янги завод ушбу брендга бўлган юқори талабнинг бир қисмини қондириши мумкинлигини кўрсатади. Шунга қарамасдан, баъзи «Ferrari» моделлари учун кутиш рўйхатлари икки йилдан ортиқ бўлиши мумкин.

Бундай узун навбатлар аввал мазкур компанияда юзага келмаган эди. 24 ойгача чўзилиши мумкин бўлган узун рўйхат «Land Rover» компанияси моделларига тегишли эди. «Land Rover»дан кейин «Audi», «Maserati» ва «Jaguar» каби автокомпанияларда навбат 12 ойгача чўзилиши мумкин.

Эслатиб ўтамиз, «Uzavtomotors»да автомобиль харид қилинганда русумга қараб навбат 6 ойдан 1 йилгача (ҳатто ундан ҳам кўп) чўзилиши мумкин.