Фото: AP

АҚШ президенти Дональд Трамп ва бизнесмен Илон Маск ўртасидаги можародан АҚШ вице-президенти Жей Ди Вэнс фойда кўради. Бу фикрларни “Sunday Times” ёзмоқда.

“Республикачилар доираларида Трамп ва Маск зиддиятга киришганида, вице-президент бундан юқорига кўтарила олгани эътибордан четда қолмади. Айни пайтда Вэнс 2028 йилда ҳам “Make America Great Again” (“Американи яна буюк қилиш” — Трамп ҳаракати шиори) сақлаб туриш учун ҳаммага ёқимли ҳисобланади”, дейилади нашр мақоласида.

Мақола муаллифининг қайд этишича, Вашингтондаги кайфият жуда тез ўзгариб бормоқда, бу эса Республикачилар партиясининг бўлинишига ва 2028 йилги АҚШ президентлик сайловларида демократларнинг ғалабасига олиб келиши мумкин.

Трамп ва Маск ўртасидаги зиддият

Ўтган ҳафтада тадбиркор АҚШ Ҳукумат самарадорлик Департаменти раҳбари лавозимини тарк этди.

Куни кеча у Трамп томонидан илгари сурилган йирик бюджет лойиҳасини қаттиқ танқид қилиб, уни «жирканчлик» деб атади.

Оқ уй раҳбари ҳафсаласи пир бўлганини айтиб, Маск учун кўп иш қилганини таъкидлади, тадбиркор эса унга жавобан Трампни президент сайловида ғалабасига катта ҳисса қўшганини пеш қилди.

Пайшанба куни Трамп бюджетдан миллиардлаб долларни тежаш мақсадида бизнесмен компанияларига энди давлат субсидиялари ва шартномалар бермасликни таклиф қилди.

Президентнинг субсидияларни бекор қилиш таклифидан сўнг Маск “SpaceX” дарҳол “Dragon” космик кемасини фойдаланишдан чиқаришни бошлашини айтди, бироқ тез орада у бу фикридан қайтди. Маск, шунингдек, Трампга импичмент эълон қилишга чақирди ва уни вице-президент Жей Ди Вэнс билан алмаштиришни таклиф қилди. Ўзаро келишмовчиликдан сўнг, “Tesla” акциялари Уолл-стрит биржасидаги савдолар очилишида деярли 14 фоизга арзонлашди.