Фото: AP

Европа етакчилари АҚШ президенти Доналд Трампни Россияни Украинадаги можарони ҳал қилиш бўйича музокараларни бошлашга ва мамлакатга қарши янги санкциялар жорий этишга «мажбур қилиш» кераклигига ишонтирди. Бу ҳақда «Politico» нашри ўз манбаларга таяниб хабар берди.

«Трамп ниҳоят биз томонда. Энди савол бу икки ёндашувни қандай бирлаштиришда», — дея Европа Иттифоқи дипломатларидан бирининг сўзларидан иқтибос келтиради журнал.

Бошқа бир дипломатга кўра, Европа Вашингтон билан Москвага қандай «ҳақиқатда зарба бериш» ҳақида «қизғин муҳокамалар»ни кутмоқда. Қайд этилишича, бунинг учун Евроиттифоқ «башоратсиз» Оқ уйни буни қандай амалга ошириш бўйича келишиб олишга кўндириши керак бўлади.

Шу йилнинг 3 сентябрь куни Россия президенти Владимир Путин Украина етакчиси Владимир Зеленский билан учрашишни ҳеч қачон истисно қилмаганини айтди. У уни Москвага таклиф қилди ва саммит учрашувига пухта тайёргарлик кўриш ва ижобий натижаларга олиб келиши кераклигини таъкидлади. Бироқ, Зеленский бу таклифни рад этди.

Россия ташқи ишлар вазири Сергей Лавров ҳам Москва Россия — Украина музокаралари давом этишини кутаётганини ва делегациялар раҳбарлари бевосита алоқада эканини айтди.