Тошкентда янги йўловчи автобуслари сотиб олинади

2022-2025 йилларда йўловчи ташиш транспортини янгилаш, янги «яшил» замонавий автобуслар харид қилиш режалаштирилган.

Маълум қилинишича, транспорт тизимини тизимли модернизация қилиш босқичма-босқич амалга оширилади.

Қайд этилишича, 2022 йилда 590 та автобус харид қилинади:

90 та катта сиғимли автобуслар (12 метр) MAN CNG;

200 та ўрта сиғимли (8,5 — 9 метр) saz LE60;

300 та катта электр автобуслари (12 метр).

2023 йилда — 253 та автобус:

53 та катта сиғимли электр автобуслари (18 метр);

100 та катта сиғимли (12 метр) MAN CNG;

100 та катта сиғимли электр автобус (12 метр).

2024-2025 йилларда 100 та электробус сотиб олиш режалаштирилган:

100 та катта электр автобуслари (12 метр).

Қайд этилишича, янги автомашиналар харид қилиш учун 3 триллион 96 миллиард 855 миллион сўм йўналтирилади.

Хабар қилинишича, харидлар Ўзбекистон Тикланиш ва тараққиёт жамғармаси кредитлари асосида хусусий инвесторлар томонидан қопланади.