28 март куни маҳаллий вақт билан соат 08:09 да «Silk Avia» минтақавий миллий авиакомпаниясининг биринчи ҳаво кемаси Тошкент халқаро аэропортига келиб қўнди. 

Анъанага кўра, ҳаво кемаси тантанали равишда сув аркаси билан кутиб олинди. Перронда борт ва экипажни «Uzbekistan Airports» акциядорлик жамияти бошқаруви раиси Рано Жўраева, шунингдек, «Uzbekistan Airports» ва «Silk Avia» компаниялари вакиллари кутиб олишди.

Бу «Bangkok Airways» авиакомпаниясидан сотиб олинган учта ATR 72-600 самолётларининг иккинчиси бўлиб, биринчиси сингари, борт Бангкокдан Тошкентга олтита бекат — Сингапур, Ҳиндистон, Уммон, Миср, Кипр ва Озарбайжон орқали учиб келган. Тез орада яна бир ҳаво кемаси келиши кутилмоқда, шунингдек, ливерия аризаси ва авиакомпания учун авиаоператор сертификатини олиш кутилмоқда.

Расмий маросимдан ташқари, бугун «Uzbekistan Airports”» ўз ходимларининг фарзандлари учун очиқ эшиклар кунини ўтказишга қарор қилди. Кўп болалар биринчи марта перронда бўлишди, ҳаво кемаларининг парвозлари ва қўнишларини жонли равишда кўришди, ҳақиқий ҳаво кемасига ва ҳатто учувчи кабинасига ҳам чиқдилар.

«Аэропорт ва авиакомпания ходимлари болаларга дунёдаги энг машҳур қисқа масофали самолётлардан бири — ATR 72-600 ҳақида сўзлаб беришди. Самолётнинг ҳавога қандай кўтарилиши, қанча йўловчи сиғиши мумкинлиги, унга нима учун «парраклар» ва «ғилдираклар», тоғларни айланиб ўтиши ва Самарқандгача қанча вақт учиш керак — булар бугунги саёҳат давомида болалар берган саволларнинг фақат кичик бир қисми эди. Шуниси эътиборга лойиқки, бу маҳаллий авиацияда бундай турдаги биринчи ҳаво кемалари бўлиб, улар нафақат болалар, балки катталарда ҳам қизиқиш уйғотди. Яқин келажакда авиацияга қизиққан болалар учун яна бир нечта шундай саёҳатлар ўтказишни режалаштирмоқдамиз», — дея қайд этди «Uzbekistan Airports» матбуот хизмати хабарида.

Эслатиб ўтамиз, «Silk Avia» биринчи лоукостер минтақавий авиакомпаниясини ташкил этиш Президентнинг 2022 йил 26 октябрдаги «Республикада маҳаллий ҳаво қатновларини ривожлантиришга доир қўшимча чора-тадбирлар тўғрисида»ги ПҚ-412-сон қарорида назарда тутилган. 

Биринчи босқичда авиакомпаниянинг йўналишлар тармоғи энг оммабоп йўналишларни ўз ичига олади: Тошкентдан Самарқанд, Бухоро ва Урганч, шунингдек, Фарғона водийси шаҳарлари. Автопаркнинг тўлдирилиши билан йўналишлар тармоғи кенгаяди. 

Ўтган йилнинг ноябрь ойида Silk Avia ва Франция-Италия концерни ATR ўртасида 2024 йилда Тошкентга етиб келадиган бешта янги ATR 72-600 ҳаво кемаси харид қилиш бўйича шартнома имзоланган эди.