Архив фото

Тинчлик келишувига эришилган тақдирда ҳам Украина кучли қуролли кучларга муҳтож бўлади. Бу фикрларни Германия канцлери Фридрих Мерц айтиб ўтди.

«Тинчлик келишувига эришилган кун келади..., лекин Украина ўшанда ҳам кучли қуролли кучларга муҳтож бўлади. Энг муҳим хавфсизлик кафолатлари — бу ҳозир ва келажакда Украина армиясининг доимий, юқори сифатли таъминоти», — дейди канцлер.

АҚШ маъмурияти яқинда Украинада келишувга эришиш учун 28 банддан иборат режани тақдим этди. ОАВ хабарларига кўра, режа, бошқа нарсалар қатори, НАТО Низомининг 5-моддасига асосланган хавфсизлик кафолатларини, Россия ва Украина ўртасидаги тажовуз қилмаслик шартномасини, Киевнинг НАТОга қўшилишдан бош тортишини ва Украина қуролли кучлари сонини қисқартиришни ўз ичига олган.

ОАВ хабарларига кўра, Женева музокаралари давомида Европа иттифоқчилари Украина армияси учун чегара аввал таклиф қилинган 600 000 эмас, балки 800 000 аскар бўлиши кераклигини таъкидлаган.

Мерц шунингдек, унинг фикрича, Украина ҳудудий имтиёзларга мажбурланмаслиги кераклигини таъкидлади.

Президент Владимир Путин 27 ноябрь куни Украина ва АҚШ ўртасидаги Женевадаги музокаралар натижалари келажакдаги тинчлик келишувлари учун асос бўлиши мумкинлигини айтди.

Унинг таъкидлашича, Аляскада АҚШ президенти Дональд Трамп билан учрашувидан сўнг, Россия — АҚШ музокараларидан олдин муҳокама қилинган 28 банддан иборат мумкин бўлган тинчлик келишувлари рўйхати пайдо бўлди.

«Шундан сўнг, Женевада АҚШ ва Украина делегациялари ўртасида музокаралар бўлиб ўтди. Мен тушунишимча, улар ўзаро барча 28 банд тўртта алоҳида компонентга бўлиниши керак деган қарорга келишди. Буларнинг барчаси бизга етказилди», — дейди Германия етакчиси.