Тадбиркорларнинг ортиқча сарсон бўлишига сабаб бўлувчи айрим нормалар тартибга солинди
Қонун билан айрим қонун ҳужжатларига ўзгартириш ва қўшимчалар киритилди. Бу ҳақида «Ҳуқуқий ахборот» Telegram-канали хабар берди.
Унда айтилишича, давлат ўрмон хўжалиги органлари ўрмон фондининг фойдаланилмаётган ерлари жисмоний ва юридик шахсларга электрон онлайн-аукцион орқали ижара ҳуқуқи асосида бериши мумкинлиги белгиланган.
Шунингдек, Иқтисодий процессуал кодексга киритилган ўзгартиришларга кўра, эндиликда тадбиркорлик фаолиятининг айрим турлари билан шуғулланиш учун лицензия (рухсатнома)ларнинг амал қилиши 10 кундан ортиқ, лекин 6 ойдан кўп бўлмаган муддатга тўхтатиб турилиши мумкин бўлади.
Маълумот учун, илгари мазкур лицензияларнинг амал қилишини 10 иш кунидан кўп бўлган муддатга тўхтатиб турилиши белгиланган эди.
Бундан ташқари, «Аҳоли бандлиги тўғрисида»ги Қонунга киритилган ўзгартиришларга кўра, ўзини ўзи банд қилган шахслар БҲМнинг камида 1 баравари миқдорида ихтиёрий тартибда ижтимоий солиқ тўлаши белгиланган.
Аввал ушбу Қонунда мазкур солиқ базавий ҳисоблаш миқдорининг 50 фоизидан кам бўлмаган миқдорда белгиланган эди.
Тавсия этамиз
Кўп ўқилганлар
- Ўзбекистонда инсон аъзоларини 3D биопринтерда чоп этиш имконияти яратилмоқда
- Нодавлат суд-эксперти сифатида фаолият юритиш янада соддалаштирилади
- «Истанбул Башакшеҳир» меҳмондан ғалаба билан қайтди
- «E-ekspertiza» платформаси орқали электрон ҳужжатлар алмашинувини йўлга қўйиш тартиби тасдиқланди
- Украинанинг уч вилоятида портлашлар қайд этилди. Қурбонлар бор
- Котрина Кулбите — Литванинг «Энг яхши аёл мураббийи»
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг