Сув хўжалиги балансларини тузиш тартиби белгиланди
Ҳукуматнинг 28 августдаги 545-сон қарори билан «Ўзбекистон Республикасида сув хўжалиги балансларини тузиш тартиби тўғрисида»ги низом тасдиқланди. Низом Ўзбекистонда сув хўжалиги балансларини тузиш ва улардан фойдаланиш тартибини белгилайди.
Ҳужжатга кўра, сув хўжалиги баланслари қуйидаги турларга ажратилади:
• дарёлар ҳавзаларининг сув хўжалиги баланслари;
• ирригация тизимлари ҳавзаларининг сув хўжалиги баланслари;
• иқтисодий минтақалар (ҳудудлар) сув хўжалиги баланслари;
• Ўзбекистон Республикасининг ягона сув хўжалиги баланси.
Сув хўжалиги вазирлиги ва унинг тизимидаги ташкилотлар сув хўжалиги балансларини тузиш, уни амалга ошириш ва мувофиқлаштириш бўйича махсус ваколатли орган ҳисобланади.
Сув хўжалиги баланслари сув ресурсларининг мавжуд миқдори, сувга бўлган талаб, сув ресурслари тақсимоти, уларнинг тақчиллиги ёки ортиқча миқдорини кўрсатадиган жадвалларда ишлаб чиқилади.
Сув хўжалиги балансларини тузиш бўйича маълумотлар электрон онлайн шаклда юритилади ва уларнинг базаси шакллантириб борилади.
Тавсия этамиз
Кўп ўқилганлар
- Жаҳон олимлари нигоҳи яна Ўзбекистонга қаратилди
- Президент Ўзбекистон ўқитувчи ва мураббийларига табрик йўллади
- Ўзбекистонда долларнинг расмий курси ўзгарди
- Президент Исмоил Жўрабеков вафоти муносабати билан ҳамдардлик билдирди
- Ўзбекистон ва Туркманистон: барқарор ривожланиш йўлидан бораётган давлатлар
- Тадбиркорлар янгича ёндашувлар асосида қўллаб-қувватланади
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг