Сурхондарёда қайнонасини калтаклаган эркакка ҳукм ўқилди
Сурхондарё вилоятида қайнонасини калтаклаган шахс 9 ойга қамалди. Бу ҳақда ЎзА хабар берди.
Маълумотларга кўра, Олтинсой туманида яшовчи фуқаро ўз уйида икки хотини билан яшаган. Турмуш ўртоқлари ўртасида келишмовчиликлар бўлган. Эркак яна биринчи хотини, онаси ва икки синглиси билан жанжаллашди. Ўзаро жанжал чоғида қайнонасига қасддан уриб, унинг танасига шикаст етказган.
Суд мажлисида у турмуш ўртоғи ва унинг оила аъзолари онасига нисбатан ҳақоратомуз сўзлар ишлатганини ва шунинг учун ҳам шундай қилганини айтди.
Шунингдек, у турмуш ўртоғи касал бўлгани учун унинг розилиги билан шариат асосида бошқа аёлга уйлангани, хотиннинг қариндошлари буни қабул қила олмай, жанжалга сабаб бўлганини ҳам айтиб ўтган.
Суд қарори билан судланувчи Жиноят кодексининг 109-моддаси 2-қисми (Қасддан баданга енгил шикаст етказиш)да назарда тутилган жиноятни содир этганликда айбдор деб топилиб, унга нисбатан 9 ой муддатга озодликдан маҳрум қилиш жазоси тайинланди.
Тавсия этамиз
Кўп ўқилганлар
- «E-ekspertiza» платформаси орқали электрон ҳужжатлар алмашинувини йўлга қўйиш тартиби тасдиқланди
- Нодавлат суд-эксперти сифатида фаолият юритиш янада соддалаштирилади
- «Истанбул Башакшеҳир» меҳмондан ғалаба билан қайтди
- Украинанинг уч вилоятида портлашлар қайд этилди. Қурбонлар бор
- Бу йил Ўзбекистон Пролигасида 14 та жамоа иштирок этади
- Шавкат Мирзиёев Вашингтон шаҳрида Тинчлик кенгашининг дастлабки йиғилишида иштирок этди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг