Сенатнинг ёшлар, хотин қизлар, маданият ва спорт масалалари қўмитаси аъзоси Малика Кадирханова пойтахтимизда ўтказилган «InnoWeek–2025» халқаро инновациялар ҳафталиги доирасида «Ижодкор аёллар: ғоялар, ихтиролар ва ютуқлар йўлида» мавзусидаги семинарда иштирок этди.

Тадбирда соҳага дахлдор вазирлик ва идоралар вакиллари, илмий-тадқиқот муассасалари мутахассислари, илм-фан ва инновациялар йўналишида фаолият юритаётган хотин-қизлар ҳамда ёш ижодкорлар қатнашди.

Семинар давомида маърузачилар хотин-қизларнинг инновацион жараёнлардаги фаол иштирокини таъкидлаб, уларнинг жамият тараққиётидаги муҳим ролини қайд этдилар, шунингдек, ахборот ва юқори технологиялар даврида ижодий ёндашувнинг аҳамиятига эътибор қаратди

Хотин-қизларнинг ҳар бир фикри янгиланиш сари ташланган қадам, ҳар бир ташаббуси жамият ривожи учун янги имконият экани таъкидланди.

«InnoWeek-2025» халқаро ҳафталиги илм-фан, ижод ва ҳамкорликни бирлаштирган очиқ мулоқот майдони бўлиб, иштирокчиларга ўзларининг инновацион ғоялари ва амалий тажрибаларини намоён этиш имконини берди.