Сенатда ТуркПА Бош котиби билан учрашув бўлиб ўтди
Бугун, 12 декабрь куни Олий Мажлис Сенати Раиси Танзила Нарбаева Туркий давлатлар Парламент Ассамблеяси (ТуркПА) Бош котиби Рамил Ҳасан билан учрашди.
Суҳбат чоғида Ўзбекистон ва ТуркПА ўртасидаги ҳамкорликни, шунингдек, Туркий давлатлар ташкилоти ва туркий дунёнинг бошқа ихтисослашган институтлари доирасидаги алоқаларни янада кенгайтириш истиқболлари муҳокама қилинди.
Ўзбекистоннинг фаолияти туркий тилли халқларнинг маданий меросини сақлаш ва оммалаштиришга қаратилган ТУРКСОЙ халқаро ташкилотидаги иштироки юзасидан фикр алмашилди.
Учрашувда Ўзбекистон парламенти аъзоларининг ТУРКПА доирасидаги самарали фаолияти алоҳида таъкидланди. Олий Мажлис палаталари делегациялари Ассамблеянинг ялпи мажлислари, соҳага оид комиссиялар йиғилишлари ва форумларида мунтазам иштирок этади.
Учрашув якунлари бўйича Туркий давлатлар парламентлари ўртасидаги ҳамкорликни янада мустаҳкамлаш, шунингдек, ТуркПА доирасида ўтказиладиган тадбирларда фаол иштирок этиш бўйича келишувга эришилди.
Тавсия этамиз
Кўп ўқилганлар
- АҚШ Адлия вазирлиги Эпштейн иши бўйича 3 миллионта файлни эълон қилди
- Трамп Кубадан келаётган таҳдид сабаб АҚШда фавқулодда ҳолат эълон қилди
- Ўзликни англаш сари муҳим қадам: «Миллий қадриятлар атласи» китоб-альбоми тақдимот қилинди (+видео)
- Буюк шоирнинг Самарқанддаги табаррук излари
- Уруш, жасорат ва спорт: ҳафта давомида дунё эътиборини тортган 10 та сурат
- «Humans» Ўзбекистондан юзлаб миллион доллар зарарни қоплашни талаб қилмоқда
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг