Самарқанд аэропортида йўловчи юкидан пневматик тўппонча аниқланди
«Санкт-Петербург – Самарқанд» рейси билан мамлакатимизга келган йўловчининг юклари орасидан пневматик тўппонча аниқланди. Йўловчи А.Д. ўз багажини олганидан кейин ихтиёрий равишда «яшил» йўлак орқали божхона назоратидан ўтишга ҳаракат қилган. Божхона ходимларида шубҳа уйғонгани боис фуқаро «қизил» йўлакка ўтказилиб, унга тегишли багаж холислар иштирокида кўздан кечирилди.
Текширув натижасида сумкадан 1 дона пневматик тўппонча, 4 дона сиқилган ҳаво балончаси ва 105 дона ўқ топилди.
Фуқаро ушбу қуролни Россия Федерациясининг Санкт-Петербург шаҳрида танимайдиган шахсдан сотиб олганини ва шахсий фойдаланиш учун олиб келаётганини маълум қилган. Аниқланган тўппонча ва тегишли аксессуарлар белгиланган тартибда вақтинча сақловга олинди.
Ҳозирда мазкур ҳолат юзасидан божхона органлари томонидан терговга қадар текширув ҳаракатлари олиб борилмоқда.
Абдулазиз ЙЎЛДОШЕВ, «Халқ сўзи».
Тавсия этамиз
Кўп ўқилганлар
- «E-ekspertiza» платформаси орқали электрон ҳужжатлар алмашинувини йўлга қўйиш тартиби тасдиқланди
- Нодавлат суд-эксперти сифатида фаолият юритиш янада соддалаштирилади
- «Истанбул Башакшеҳир» меҳмондан ғалаба билан қайтди
- Украинанинг уч вилоятида портлашлар қайд этилди. Қурбонлар бор
- Бу йил Ўзбекистон Пролигасида 14 та жамоа иштирок этади
- Шавкат Мирзиёев Вашингтон шаҳрида Тинчлик кенгашининг дастлабки йиғилишида иштирок этди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг