Samarqand aeroportida yoʻlovchi yukidan pnevmatik toʻpponcha aniqlandi
“Sankt-Peterburg – Samarqand” reysi bilan mamlakatimizga kelgan yoʻlovchining yuklari orasidan pnevmatik toʻpponcha aniqlandi. Yoʻlovchi A.D. oʻz bagajini olganidan keyin ixtiyoriy ravishda “yashil” yoʻlak orqali bojxona nazoratidan oʻtishga harakat qilgan. Bojxona xodimlarida shubha uygʻongani bois fuqaro “qizil” yoʻlakka oʻtkazilib, unga tegishli bagaj xolislar ishtirokida koʻzdan kechirildi.
Tekshiruv natijasida sumkadan 1 dona pnevmatik toʻpponcha, 4 dona siqilgan havo balonchasi va 105 dona oʻq topildi.
Fuqaro ushbu qurolni Rossiya Federatsiyasining Sankt-Peterburg shahrida tanimaydigan shaxsdan sotib olganini va shaxsiy foydalanish uchun olib kelayotganini maʼlum qilgan. Aniqlangan toʻpponcha va tegishli aksessuarlar belgilangan tartibda vaqtincha saqlovga olindi.
Hozirda mazkur holat yuzasidan bojxona organlari tomonidan tergovga qadar tekshiruv harakatlari olib borilmoqda.
Abdulaziz YOʻLDOSHEV, “Xalq soʻzi”.
Tavsiya etamiz
Ko‘p o‘qilganlar
- Prezident Oʻzbekiston bojxona sohasi xodimlariga tabrik yoʻlladi
- Toshkentda Osiyo Olimpiya kengashiga yangi rahbar saylandi (+fotoreportaj)
- “Yangi Oʻzbekiston yulduzlari” milliy mukofoti xalqaro darajaga koʻtarilmoqda
- AQSH Adliya vazirligi Epshteyn ishi boʻyicha 3 millionta faylni eʼlon qildi
- Tramp Kubadan kelayotgan tahdid sabab AQSHda favqulodda holat eʼlon qildi
- Toshkentdagi Xalqaro kongress markazida Osiyo Olimpiya kengashining 46-Bosh Assambleyasi boʻlib oʻtmoqda
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring