Саид Атамбоев: “Отамнинг саломатлиги ёмонлашган…”
Архив сурат
Қирғизистон собиқ президенти Алмазбек Атамбоевнинг ўғли Саид отасининг саломатлиги кескин ёмонлашганини маълум қилди.
“Отамнинг қон босими жудаям паст. Шифокорларнинг айтишларича, бу исталган вақтда инсульт ёки инфарктга олиб келиши мумин“, — деб ёзди у Facebook саҳифасида.
Саид Атамбоевнинг маълум қилишича, собиқ президентнинг қон босими кўрсаткичи охирги марта 76 га 60 бўлган.
Қирғизистон махсус хизматлари 7-8 август кунлари Атамбоевнинг уйи жойлашган Қўй-Тош қишлоғида уни қўлга олиш бўйича амалиёт ўтказганди. Бунда махсус хизматлар ходимлари Атамбоевнинг тарафдорларига қарши махсус воситалар қўллашган. Собиқ президентнинг тарафдорлари эса бунга жавобан ўт очишган. Атамбоев тарафдорлари, шунингдек, 6 жангчини гаровга олишганди.
Натижада бир кунга яқин давом этган тўқнашувлардан кейин Атамбоев таслим бўлишга қарор қилган. Воқеа вақтида 136 киши жабрланган, бир жангчи ҳалок бўлган.
Айни вақтда Атамбоев бир нечта айбловлар бўйича ҳибсда ушлаб турилибди.
Тавсия этамиз
Кўп ўқилганлар
- Ўзбекистондаги Ислом цивилизацияси марказига кириш нархлари эълон қилинди
- “Барселона” қийин ғалабани қўлга киритди
- Аёллар Осиё чемпионати мусобақасининг 3-тур ўйинлари давом эттирилди
- Трамп Эрондаги ҳарбий операция «деярли якунланганини» маълум қилди
- МИБ директорига янги ўринбосар тайинланди
- Тошкент – Самарқанд пуллик йўли қурилиши 2 миллиард доллардан зиёдга баҳоланмоқда
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг