Россиядаги қурилишда 22 ёшли ўзбекистонлик йигит ҳалок бўлди
Фото: 29.ru
Россиянинг Архангельск шаҳридаги қурилиш ишлаётган 22 ёшли ўзбекистонлик йигит 5-қаватдан йиқилиб, ҳалок бўлди. Бу ҳақда 29.ru хабар берди.
Маълум қилинишича, жорий йилнинг 1 октябрь куни 22 ёшли Ўзбекистон фуқароси Н.С. Архангельск шаҳридаги “Корица” турар-жой комплексида олиб борилаётган қурилиш ишлари давомида объектнинг 5 қаватидан тушиб кетиб, вафот этган.
Ушбу ҳолат юзасидан Ўзбекистоннинг Санкт-Петербург шаҳридаги Бош консулхонаси томонидан Россия Ташқи ишлар вазирлигининг Архангельск вилоятидаги ваколатхонасига тегишли нота юборилган.
Мазкур воқеа бўйича Архангельск шаҳри Соломбал округи тергов бўлими томонидан РФ Жиноят кодексининг 216-моддаси 2-қисми билан (қурилиш ёки бошқа ишларни бажаришда хавфсизлик қоидаларини бузиш) жиноят иши қўзғатилган. Ҳозирда тергов ҳаракатлари олиб борилмоқда.
“Ушбу ҳолат Бош консулхона назоратига олинган”, дейилади Ўзбекистоннинг Санкт-Петербург шаҳридаги Бош консулхонаси хабарида.
Тавсия этамиз
Кўп ўқилганлар
- Саудия Арабистонида «Ўзбекистон маданияти кунлари» давом этмоқда
- Тошкентда «Ўзбеккосмос» ва «NASA» агентликлари ҳамкорлигида «NASA Space Apps Challenge 2025» Ҳакатон тадбири ўтказилмоқда
- Супер ой: Бугун Ернинг табиий йўлдоши одатдагидан анча катта кўринмоқда
- Аҳоли ва қишлоқ хўжалигини рўйхатга олишга тайёргарлик кўриш ва уни ўтказиш тартиби белгиланди
- Марказий Осиё педагоглари Нукусда жам бўлди
- Самарқандда ЮНЕСКОнинг 43-сессиясига тайёргарлик авжида
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг