Маълумотларга кўра, жорий йил 1-чорагида коронавирус қайтадан тарқалишининг олдини олиш ҳамда унинг иқтисодиёт ва инсонлар ҳаётига салбий таъсирини имкон қадар чеклаш бўйича “темир дафтар”га киритилган 616,1 минг оила, уларнинг 2,6 млн. нафарга яқин аъзоларининг 691,4 минг нафари меҳнатга лаёқатли ишсизлар бандлигини таъминлаш орқали 588,5 минг оила “темир дафтар”дан чиқарилди.

Шу билан бирга, мазкур дафтарга киритилган оилаларнинг доимий даромад манбаини яратиш мақсадида 100 минг нафар фуқаро доимий ишга жойлаштирилди, 34,5 минг нафар фуқаронинг тадбиркорлик фаолияти йўлга қўйилди, 22,7 минг оилаларга оилавий тадбиркорликни ривожлантириш дастурлари доирасида кредит ажратилди, 399,4 минг нафар фуқаронинг ўзини ўзи банд қилиши, 80,5 минг нафар фуқаро қишлоқ хўжалигида ҳамда 73,4 минг нафар фуқароларнинг бошқа йўналишларда бандлиги таъминланди ҳамда 14,7 минг нафар фуқаролар касб-ҳунарга ўқитилди.

Бу ҳақда Вазирлар Маҳкамасининг “Инсон қадрини улуғлаш ва фаол маҳалла йили”да амалга оширишга оид Давлат дастурининг 2022 йилнинг биринчи чорагида бажарилиши тўғрисида”ги ҳисоботида маълум қилинган.