Пойтахтда гиёҳванд модда олиб юрган фуқаро қўлга олинди
Тошкент шаҳрида Янги йил байрамлари муносабати билан ўрнатилган асосий арча ҳудудида гиёҳванд модда олиб юрган фуқаро аниқланди. Бу ҳақда Миллий гвардиянинг Тошкент шаҳри бўйича бошқармаси хабар берди.
Маълум қилинишича, Юнусобод туманидаги Алишер Навоий номидаги кутубхона майдонида жойлашган «Асосий арча» атрофида жамоат тартибини сақлаш ва фуқаролар хавфсизлигини таъминлашга жалб этилган гвардиячилар Ички ишлар органлари ходимлари билан ҳамкорликда хизмат олиб борган.
Тадбирлар давомида «Асосий арча» ҳудудининг иккинчи назорат-ўтказиш пункти орқали кириб келаётган ва шубҳали хатти-ҳаракатлари билан эътиборни тортган шахс тўхтатилиб, текширувдан ўтказилган. Кўздан кечириш жараёнида унинг чўнтагида оғирлиги 42 грамм бўлган «гашиш» моддасига ўхшаш қуритилган модда борлиги аниқланган.
Дастлабки ўрганишлар натижасида ушбу шахс Тошкент шаҳрида яшовчи, 34 ёшли фуқаро М.Ш. экани маълум бўлган. Ушбу шахс белгиланган тартибда Юнусобод тумани Ички ишлар бўлимига топширилган.
Тавсия этамиз
Кўп ўқилганлар
- Нега биз ҳалигача ўзга сайёраликлар билан учрашмаганмиз?
- Аҳоли ва қишлоқ хўжалигини онлайн рўйхатга олиш бошланишига 3 кун қолди
- 16 январь куни баъзи жойларда қор ёғади
- Кўрфаз араб давлатлари бозорига божсиз кириш имкони яратилади
- Рақамли Ўзбeкистон учун кибeр-ҳуқуқшунослар: Прeзидeнт Фармони юридик таълимнинг янги даврини очади
- Ўзбекистон Республикасининг хориждаги дипломатларидан иборат делегация аъзолари Ислом цивилизацияси марказига ташриф буюрди (+фоторепортаж)
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг