Ўзбекистонда ППХ жамоат тартибини сақлаш бўйича пуллик хизмат кўрсатишни бошлайди
Фото: Архив сурат
Ўзбекистон ҳукумати патрул-пост хизмати (ППХ) бўлимлари томонидан жамоат тартибини сақлаш ва хавфсизликни таъминлаш бўйича шартномага асосланган хизматларни тақдим этиш тартибини тасдиқлади.
Ҳужжатга кўра, жорий йил 1 сентябрдан бошлаб юридик шахслар ППХ бўлинмаларига шартномавий-ҳуқуқий асосда хизматлар кўрсатиш учун ЯИДХП (Ягона интерактив давлат хизматлари портали) ва Давлат хизматлари марказлари орқали мурожаат қилишлари мумкин бўлади.
Хизматлар Ички ишлар вазирлигининг «Электрон патруль» тизими орқали амалга оширилади. Унга кўра, ППХ ходимлари аҳоли кўп тўпланадиган жойларда жамоат тартибини сақлаш ва хавфсизликни таъминлаш бўйича пуллик хизматлар кўрсатади.
Шунингдек, ушбу регламент оммавий тадбирлар, йиғилишлар, митинглар ва кўча намойишларини ташкил этиш ва ўтказишга тааллуқли эмаслиги қайд этилган.
Тарифлар Иқтисодиёт ва молия вазирлиги билан келишилган ҳолда белгиланади.
Тавсия этамиз
Кўп ўқилганлар
- Саудия Арабистонида «Ўзбекистон маданияти кунлари» давом этмоқда
- Супер ой: Бугун Ернинг табиий йўлдоши одатдагидан анча катта кўринмоқда
- Аҳоли ва қишлоқ хўжалигини рўйхатга олишга тайёргарлик кўриш ва уни ўтказиш тартиби белгиланди
- Самарқандда ЮНЕСКОнинг 43-сессиясига тайёргарлик авжида
- Марказий Осиё педагоглари Нукусда жам бўлди
- Ҳудудларда 34 та юқори технологияли саноат лойиҳалари амалга оширилади
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг