Ўзбек меъмори дунёнинг 100 нафар аёл меъмори қаторига киритилди

13:00 06 Январь 2024 Жамият
670 0

Ўзбекистонлик меъмор Таҳмина Турдиалиева Британия меъморлари Қироллик институти (RIBA) томонидан нашр этилган дунёнинг 100 нафар меъмор аёллар фаолияти ҳақидаги китобга киритилди.

Китобнинг расмий тақдимоти шу йилнинг 23 январь куни Лондонда бўлиб ўтади.

Сўнгги ўн йил ичида архитектура дунёсида гендер мувозанатига интилиш кучайди. Меъмор аёллар меҳнати ва ютуқлари нисбатан эътибордан четда қолмоқда.

Ушбу RIBA нашри аёлларнинг архитектура муҳитига қўшган ҳиссасини ҳақли равишда эътироф этади.

"100 Women: Architects in Practice" — бу бутун дунё бўйлаб ажойиб аёл-меъморларнинг бой, хилма-хил ва қизиқарли фаолияти ҳақидаги китобдир.

Нашрда ўзбек меъморининг Тошкентда амалга оширилган объектлари — Коррупцияга қарши кураш агентлигининг маъмурий биноси ва Замонавий санъат марказидаги ёзги ҳовлининг соябонли конструкцияси тақдим этилган.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер