Оиланинг йиллик даромади 450–500 миллион сўм
Ангорлик Баҳодир Худойназаров томорқа хўжалигидан йиллик ўртача 450–500 миллион сўм даромад қилади. Бугунги шароит билан таққосласак, бу яхшигина сармоя дегани.
Чинобод маҳалласида яшовчи ишбилармон оила кўп йиллардан буён чорвачилик ва деҳқончиликни уйғун ҳолда йўлга қўйган. Баҳодир Худойназаров ўз хонадонида 15 бош йирик шохли қорамол парваришлаб, гўшт ва сут маҳсулотлари етиштиришни тизимли ташкил этган. Шу билан бирга, томорқа ер майдонида турли сабзавот ва кўкатлар экилиб, бозорга сифатли маҳсулот етказиб берилмоқда.
— Оиламиз билан бирга меҳнат қиламиз. Ҳаракат қилган одам учун томорқа катта имконият. Келгусида хўжалигимизни янада кенгайтиришни режалаштирганмиз, — дейди Б.Худойназаров.
Ушбу оила тажрибаси маҳаллаларда томорқадан самарали фойдаланиш, тадбиркорлик ташаббусини қўллаб-қувватлаш ва аҳоли даромадларини оширишга қаратилган ислоҳотлар ўз самарасини бераётганини кўрсатади.
Фарҳод ЭСОНОВ, “Халқ сўзи”.
Тавсия этамиз
Кўп ўқилганлар
- Ўзбекистондаги Ислом цивилизацияси марказига кириш нархлари эълон қилинди
- Тошкент вилоятида Абдулла Орипов уй-музейи очилди
- Лойиҳаолди ва харид ҳужжатларини комплекс экспертиза қилиш тизими самарадорлиги оширилади
- «Ўзгидромет» шошилинч огоҳлантириш эълон қилди
- Тошкентда «заклатчик»ларни ушлаган инспекторга муддатидан олдин майор унвони берилди
- Тоғ-кон саноатидаги йирик инвестиция лойиҳаларини жадаллаштириш чора-тадбирлари муҳокама қилинди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг