Наврўз ва Рамазон ҳайити байрамлари муносабати билан Тошкент – Бухоро – Тошкент йўналишида қўшимча «Афросиёб» электропоезди қатнови йўлга қўйилади. Бу ҳақда «Темирйўл Экспресс» компанияси матбуот хизмати хабар берди.

Қўшимча қатновлар 20, 25, 31 март ҳамда 1 апрель кунлари амалга оширилади. «Ушбу қатновлар йўловчилар оқимини тартибга солиш ва байрам кунлари йўловчиларга қўшимча қулайликлар яратиш мақсадида йўлга қўйилмоқда», дейилади хабарда.

Янги режалаштирилган жадвалга кўра, 778-сонли Тошкент – Бухоро йўналишидаги поезд Тошкентдан соат 06:03 да жўнаб кетиб, 10:14 да Бухорога етиб боради. 777-сонли Бухоро – Тошкент йўналишидаги поезд эса соат 17:55 да ҳаракатланиб, 22:08 да пойтахтга етиб келади.

Бундан аввал, байрамлар муносабати билан Тошкент – Самарқанд йўналишида ҳам қўшимча «Афросиёб» поезди қатнови йўлга қўйилиши эълон қилинган эди. Ўзбекистон темир йўллари байрам кунларида йўловчиларнинг транспорт эҳтиёжларини тўлиқ қондириш учун бундай рейсларни кўпайтириши кўзда тутилган.

Қўшимча поезд қатновларининг жорий этилиши саёҳатчилар ва йўловчилар учун қулай транспорт тизимини таъминлаб, байрам кунларида йўловчилар оқимини камайтиришга хизмат қилиши кутилмоқда.