НАТО Украинага ҳарбий контингент жўнатишни режалаштирмаяпти
Фото: РИА Новости
НАТО Украинага ҳарбий контингент юбориш масаласини муҳокама қилмаяпти. Бу ҳақда альянснинг Ҳарбий қўмитаси раиси Жузеппе Каво Драгоне Corriere della Sera нашрига берган интервьюсида маълум қилди, деб хабар бермоқда «Интерфакс».
— Бу саволлар халқаро сиёсат ва Москва билан музокаралар доирасига киради. Аммо НАТОда бундай масала умуман муҳокама қилингани йўқ, ҳатто ишора ҳам қилинмади. Бу ҳақда гапириш ҳали эрта, — деди Драгоне.
Унинг сўзларига кўра, контингент юбориш ғояси айрим давлатлар томонидан икки томонлама тарзда кўтарилган бўлиши мумкин.
— Лекин яна такрорлайман, бу фақат бошланғич ҳолатда. Ҳатто тайёр қўшинлар бор-йўқлигини ҳам билмайман. Балки НАТОга кирмайдиган мамлакатлардан аскар жўнатиш варианти кўриб чиқилиши мумкин. Ҳозирча барча саволлар очиқ қолмоқда. Бир нарса аниқ — НАТО аввало ўз аъзо давлатлари фуқароларини ҳимоя қилишга содиқ қолмоқда, — дея қўшимча қилди у.
Тавсия этамиз
Кўп ўқилганлар
- Жаҳон олимлари нигоҳи яна Ўзбекистонга қаратилди
- Президент Ўзбекистон ўқитувчи ва мураббийларига табрик йўллади
- Ўзбекистонда долларнинг расмий курси ўзгарди
- Президент Исмоил Жўрабеков вафоти муносабати билан ҳамдардлик билдирди
- Ўзбекистон ва Туркманистон: барқарор ривожланиш йўлидан бораётган давлатлар
- Тадбиркорлар янгича ёндашувлар асосида қўллаб-қувватланади
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг