Москвадаги «Crocus City Hall»да теракт содир этилди. Ҳозиргача камида 40 киши ҳалок бўлгани ва яна 100 киши ярадор бўлгани айтилмоқда.

Март ойи бошида Россиядаги АҚШ элчихонаси Москвада содир этилиши мумкин бўлган терактлар ҳақида огоҳлантириш эълон қилганди. Кейинроқ, Буюк Британия, Латвия ва Германия Ташқи ишлар вазирлиги ҳам худди шундай хавф ҳақида ўз фуқароларини огоҳлантирганди.

Президент Шавкат Мирзиёев Россиянинг Москва вилоятидаги «Crocus City Hall« концерт залида содир бўлган фожиа оқибатида ўнлаб бегуноҳ инсонлар қурбон бўлгани ва жиддий жароҳат олгани муносабати билан президент Владимир Путинга таъзия йўллади.

Мактубда Ўзбекистон тинч аҳолига қарши қаратилган бу террорчилик ҳаракатини қатъий қоралаши билдирилган.

Давлатимиз раҳбари вафот этганларнинг яқинларига бардамлик, барча жароҳат олганлар тез фурсатда соғайиб кетишини тилади.

Шунингдек, Ўзбекистоннинг Москвадаги элчихонасига «Crocus City Hall»даги теракт натижасида жабрланган Ўзбекистон Республикаси фуқаролари ҳақида ҳозирча маълумот келиб тушмаганлиги айтилди.

Элчихона ҳуқуқ-тартибот идоралари билан яқин алоқада бўлиб турибди.

Ўзбекистоннинг Москвадаги элчихонаси консуллик бўлимининг колл-маркази: +7 499 238-36-20; +7-499 230-00-76. Электрон почта манзили: uzkorus@mail.ru