АҚШ президенти Дональд Трамп Россия президенти Владимир Путин билан учрашишга фақатгина Россия ва Украина ўртасида тинчлик келишуви ҳақиқатан ҳам мумкинлигига ишонч ҳосил қилгач тайёр бўлишини билдирди. Бу ҳақда «Reuters» хабар берди.

Президент самолётида журналистлар Трампдан «Россия қандай шартларни бажарса, сиз Путин билан учрашувни қайта белгилайсиз?» деб сўраганларида у шундай жавоб берган:

«Мен ҳақиқатан ҳам келишувга эришаётганимизни билишим керак бўлади. Мен вақтимни беҳуда сарфламоқчи эмасман. Менинг Владимир Путин билан доимо яхши муносабатларим бўлган, аммо бу сафар жуда ҳафсалани пир қилди. Мен илгари тузган ҳар қандай келишув Россия ва Украина ўртасидаги можарони ҳал қилишдан мураккаброқ туюлган эди, лекин бу сафар иш бермади».

Трамп, шунингдек, Владимир Путин ва Владимир Зеленский ўртасида «катта нафрат» мавжудлигини ҳам қайд этган.

Эслатиб ўтамиз, 16 октябрь куни АҚШ ва Россия президентлари телефон орқали суҳбатлашган эди. Суҳбат якунида Трамп Будапештда учрашув ўтказилиши ҳақида маълум қилган, бироқ кейинчалик бу учрашувни бекор қилганини эълон қилган.