«Манчестер Сити» футболчиси УЕФА чемпионлар лигаси тарихига кирди
Эрлинг Ҳоланд УЕФА чемпионлар лигасида 50 та гол уриш учун энг кам вақт сарфлаган футболчига айланди. Бу ҳақда «Opta» нашри хабар бермоқда.
Кеча, 18 сентябрь куни УЕФА чемпионлар лигаси мусобақасининг 1-тур ўйинлари давом эттирилди. Кун доирасидан ўрин олган баҳсда Англиянинг «Манчестер Сити» клуби ўз майдонида Италиянинг «Наполи» жамоасини 2:0 ҳисобида мағлуб этди.
Учрашувда «шаҳарликлар»нинг биринчи голини жамоанинг норвегиялик ҳужумчиси Эрлинг Ҳоланд киритди. Бу гол футболчининг УЕФА чемпионлар лигаси мусобақасида киритган 50-голи бўлди.
Шу тариқа Ҳоланд УЕФА чемпионлар лигасида 50 та гол уриш учун энг кам ўйин ўтказган футболчи сифатида мусобақа тарихига кирди. Таъкидлаш керакки, кеча у ушбу турнирдаги 49-ўйинида майдонга тушди.
Маълумот учун, унгача бу борадаги энг яхши натижа Рууд ван Нистелройга тегишли бўлган. У УЕФА чемпионлар лигасида 50 та гол уриш учун 62 та ўйинда майдонга тушган.
Солиштириш учун, «Барселона» афсонаси Леонель Месси ушбу натижага эришиш учун 66 та, Криштиану Роналду эса 91 та ўйинда майдонга тушган.
Тавсия этамиз
Кўп ўқилганлар
- “Матонатли Марям” фильми кенг жамоатчиликка тақдим этилди
- FIDE жаҳон кубоги чемпиони Жавоҳир Синдаровни кутиб олиш маросими бўлиб ўтди (+фоторепортаж)
- Ўзбекистонда хотин-қизларга нисбатан рақамли зўравонликка барҳам бериш бўйича 16 кунлик кампания бошланди
- АҚШ Европадан НАТО мажбуриятларининг асосий қисмини ўз зиммасига олишни талаб қилди
- Ўзбекистон терма жамоасининг Жаҳон чемпионатидаги ўйин саналари эълон қилинди
- Ўзбекистон миллий терма жамоаси учун Жаҳон чемпионати қуръаси омадли ўтдими?
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг