Кеча, 30 ноябрь куни Англия Премьер лигасининг 13-тур ўйинлари бўлиб ўтди. Кун доирасидан ўрин олган баҳсда Лондоннинг “Челси” клуби “Стэмфорд Бридж”да ўз ҳамшаҳари “Арсенал” клубини қабул қилди.

Учрашувнинг биринчи бўлимида ҳисоб очилмади. 37-дақиқада “Челси” футболчиси Кайседо рақибнинг оёғини босгани учун майдондан четлатилди.

Иккинчи бўлимнинг 48-дақиқасида мезбонлар ўйинда ҳисобни очди. Галга Тревох Чалоба муаллифлик қилди.

59-дақиқада эса “қизиллар” ҳисобни тенглаштирди. Микел Артета жамоасининг жавоб голи Микел Мерино ҳисобига ёзилди.

Учрашув айнан 1:1 ҳисобидаги дуранг натижа билан якунланди. Ўйиндан кейин, “аристократлар” посбони Роберт Санчез ўйин қаҳрамони деб топилди. “Sofascore” портали ушбу футболчининг ҳаракатларини 8,2 баллга баҳолади.

“Челси” — “Арсенал” 1:1

Голлар: Чалоба (48) — Мерино (59).

“Челси” — Санчес, Гюсто, Фофана, Чалоба, Кукуреля, Жеймс, Кайседо, Фернандес, Эстевао (Гарначо, 46), Нету, Педро (Делап, 55).

“Арсенал” — Райя, Тимбер, Москера, Инкапи, Калафиори (Люис-Скелли, 46), Субименди (Эдегор, 57), Райс, Эзе (Гокереш, 72), Сака, Мартинелли (Мадуэке, 57), Мерино.

Четлатиш: Кайседо (38).